Situade te bande nort-orientâl de maraveose fasse di colinis che a abracin Guriza e che di lì a scomencin a clamâsi CUEI, si slargje suntun fonts di 25 etars e 5 di chescj a son vidiâts.
Condizions come la buine posizion dai terens che a son bande la cueste di soreli e la lôr composizion di marne e arenarie a àn, fin di timps lontans, favorît la culture de vît.
Su chestis rivis, che il SABOTIN, bonant i vints frêts di nort-est, al ripare lassantlis al inflùs de clime clipe dal ADRIATIC, a madurissin lis uis de Aziende CASTEL SAN MAURO.
Di cuant che dai agns '50 Gilberto Barnaba al comprà i terens e la antighe cjase paronâl, i vignâi a forin curâts cun passion dal proprietari e de sô famee, che a realizarin ancje gnûfs implants.
Dopo di lui il compit di mantignî vive la ativitât al è passât ae fie Gilberta, incumò proprietarie, che dal 1999 e à fidât la aministrazion di campagne e cjanive al fi Manuele Mauri.